Gen anpil moun ki wè dlo kokoye kòm yon plezi . Men an reyalite, bwason natirèl sa a se yon veritab trezò pou sante w. Syans deja pwouve plizyè fwa li rich an vitamin, mineral, ak eleman ki ede kò a goumen kont maladi, retounen fò, epi kenbe yon bon fòm fizik.
Dlo kokoye chaje ak potasyòm, sa ki pèmèt kò a elimine grès ak dlo ki rete kole nan tisi yo, konsa li ede w redui “cellulite” epi kenbe yon pwa pi sen. Men se pa tout, li bay yon enèji natirèl ki ankouraje glann tiwoyid ou travay byen, pou ou santi w pi aktif pandan jounen an.
Lè ou bwè dlo kokoye regilyèman, ou ka diminye risk maladi kè ak tansyon wo. Si ou manje yon manje ki twò sale, yon ti gode dlo kokoye ka ede bese kolestewòl la epi soulaje kò a. Li menm ede dijesyon gras ak enzim bioaktif li genyen, sa ki fè ou evite konstipasyon ak pwoblèm lestomak.
Menm sistèm iminitè w jwenn benefis, paske dlo kokoye gen asid laurik, yon antibyotik natirèl ki goumen kont mikwòb, bakteri ak chanpiyon. Pandan sezon frèt, li se yon bon alye pou evite grip ak lòt maladi ki souvan frape lè tanperati bese.
Nan medikaman tradisyonèl, yo konn sèvi ak dlo kokoye pou ede nan tretman herpès, epatit C, epi pou netwaye aparèy urinè a, evite enfeksyon, epi retire toksin ki nan blad pipi. Li gen yon gwo avantaj tou pou sèvo ak zo nou yo gras ak prezans TCM (trigliserid a chenn mwayen).
Pou fanm ansent, dlo kokoye se yon konpayon ideyal. Li soulaje konstipasyon, boule lestomak, ede goumen kont enfeksyon epi bay yon bon balans nitritif pandan tout gwosès la.
Se vre, dlo kokoye gen bon gou, men pi gwo valè li, se kapasite li pou nouri kò a, netwaye l andedan, epi pwoteje l kont maladi. Lè ou bwè li, ou pa sèlman rafrechi tèt ou, ou fè yon gwo sèvis pou sante w.
