Lè moman pou akouche rive, gen kèk fanm ki konn soufri ak anpil doulè (tranche), e pafwa travay la konn pran twòp tan. Sa ka mennen doktè yo rekòmande yon sezaryèn, men tout fanm pa toujou anvi pase pa sa. Pou sa, gen moun ki fè konfyans nan remèd natirèl, sitou lè yo vle ankouraje yon akouchman pi vit san twòp difikilte.
Men yon remèd natirèl ki soti nan tradisyon lakay, anpil moun itilize pou ede fanm akouche pi rapid lè yo deja gen tranche. Sa pa ranplase konsèy medikal, men li ka ede kòm yon ti soulajman si doktè pa wè okenn danje.
✅ Engredyan yo :
3 grenn ze peyi (ze lokal)
17 gwo grenn kalalou
7 boujon fèy zoranj si
👉 Preparasyon :
Mete tout engredyan yo ansanm nan yon chodyè ki apwopriye.
Ajoute ase dlo pou fè yon bon ti bouyi.
Bouyi melanj lan pandan kèk minit, jiskaske ou wè li byen tire.
Atansyon : Pa kraze ze yo. Kite yo antye pandan y ap bouyi.
Lè li pare, w ap tire yon tas pou fanm ki gen tranche a bwè pandan li toujou santi doulè yo.
Kijan li ede ?
Kalalou gen yon siksans natirèl ki ka ede glise kanal akouchman an. Fèy zoranj si yo gen pwopriyete ki kalme ak ki bay fòs. Ze peyi yo pote enèji e yo sèvi kòm yon bon renforsman pou kò fanm nan pandan li ap travay pou mete timoun lan deyò.
Remak enpòtan :
Remèd sa a pa ranplase konsèy medikal. Si fanm lan gen nenpòt konplikasyon oswa si doktè a di li bezwen fè sezaryèn, pa pran risk pou ou refize swen medikal. Remèd natirèl yo pi efikas lè yo itilize ansanm ak siveyans pwofesyonèl.
